సాఫ్ట్‌వేర్ కంపెనీలో హౌస్ కీప‌ర్‌..అత‌ని మొబైల్ నిండా మ‌హిళా ఉద్యోగుల అర్ధ‌న‌గ్న ఫొటోలు, వీడియోలు!

ఈ ఫొటోలో టిప్‌టాప్‌గా క‌నిపిస్తోన్న యువ‌కుడి పేరు ధ‌ర్మేంద్ర‌కుమార్ యాద‌వ్‌. ఉత్త‌ర్‌ప్ర‌దేశ్‌కు చెందినవాడు. బెంగ‌ళూరులోని ఓ మ‌ల్టీనేష‌న‌ల్ సాఫ్ట్‌వేర్ కంపెనీలో హౌస్‌కీప‌ర్‌.

ఉద్యోగులెవ‌రూ రాక‌ముందే.. బాత్‌రూమ్‌, టాయ్‌లెట్‌, ఫ్లోర్ల‌ను క్లీన్ చేయ‌డం అత‌ని ప‌ని. బాత్‌రూమ్‌, టాయ్‌లెట్‌ల‌ను క్లీన్ చేయ‌డాన్ని త‌న‌కు అనుకూలంగా మార్చుకున్నాడా శాడిస్ట్.

మ‌హిళల బాత్‌రూమ్‌, టాయ్‌లెట్‌ల‌ల్లో మైక్రో కెమెరాల‌ను పెట్టేవాడు. మ‌హిళ‌ల అర్ధ‌న‌గ్న దృశ్యాల‌ను అందులో బంధించేవాడు. బెంగ‌ళూరు ఇందిరాన‌గ‌ర్‌లోని 80 ఫీట్ రోడ్‌లో ఉన్న ఓ సాఫ్ట్‌వేర్ సంస్థ‌లో ఈ ఘ‌ట‌న చోటు చేసుకుంది.

ఆ యువ‌కుడిని రెడ్‌హ్యాండెడ్‌గా ప‌ట్టుకున్నారో మ‌హిళా టెక్కీ. ఈ స‌మాచారాన్ని తోటి ఉద్యోగుల‌కు తెలియ‌జేశారు. ఈ సంద‌ర్భంగా అత‌ని మొబైల్‌ను ప‌రిశీలించ‌గా.. ప‌లువురు మ‌హిళా ఉద్యోగుల అర్ధ‌న‌గ్న దృశ్యాలు అందులో క‌నిపించాయి.

మ‌హిళ‌లు విధి నిర్వ‌హ‌ణ‌లో ఉన్న స‌మ‌యంలో కూడా వారికి తెలియ‌కుండా వీడియో తీసేవాడు. అవ‌న్నీ మొబైల్‌లో ప్ర‌త్య‌క్ష‌మ‌య్యాయి. సంస్థ ఉన్న‌త ఉద్యోగులు ఇందిరాన‌గ‌ర్ పోలీసుల‌కు స‌మాచారం ఇచ్చారు. పోలీసులు ధ‌ర్మేంద్ర‌కుమార్‌ను అరెస్టు చేశారు. అత‌నిపై కేసు న‌మోదు చేశారు.

LEAVE A REPLY

Please enter your comment!
Please enter your name here