బెడ్‌రూమ్‌లో ప్రియుడితో కుమార్తె: చూసిన క‌న్న‌తండ్రిని మూడో అంత‌స్తు నుంచి తోసేసింది.. దీని ఫ‌లితం?

త‌ల్లిదండ్రులు ఉండ‌గానే.. త‌న ప్రియుడిని ఇంటికి పిలిపించుకుంది పూజా అనే యువ‌తి. తెల్లవారు జాము కావ‌డంతో.. త‌ల్లిదండ్రులు ఇంకా నిద్ర లేవ‌లేదు.

ఆ స‌మ‌యంలో గ‌ప్‌చుప్‌గా ఆమె బెడ్‌రూమ్‌లోకి దూరాడా ప్రియుడు. ఆ స‌మ‌యంలో చ‌ప్పుడు కావ‌డంతో.. నిద్ర‌లేచిన తండ్రి విశ్వ‌నాథ్ నేరుగా త‌న కుమార్తె బెడ్‌రూమ్‌కు వెళ్లాడు.

అక్క‌డ చ‌నువుగా ఉన్న వారిద్ద‌రినీ చూసి, ఆవేశానికి లోన‌య్యాడు. ప్రియుడితో వాగ్వివాదానికి దిగాడు. త‌న కుమార్తె ప్రియుడిపై చేయి చేసుకున్నాడు.

వారిద్ద‌రినీ విడిపించ‌డంలో భాగంగా.. తండ్రిని తోసేసింది. ఆమె ఎంత బ‌లంగా తోసిందంటే.. విశ్వ‌నాథ్ మూడో అంతస్తు నుంచి కిందికి పడిపోయాడు. దీనితో అత‌నికి తీవ్ర‌గాయాల‌య్యాయి.

ఉత్త‌ర్‌ప్ర‌దేశ్ గ్రేట‌ర్ నోయిడాలోని సెక్టార్ 27లో చోటు చేసుకుంది ఈ ఘ‌ట‌న‌. విశ్వనాథ్ అరుపులు విన్న ఆయ‌న భార్య గాయత్రి నిద్రలేచి చూసేసరికి భర్త రక్తపుమడుగుల్లో పడి ఉన్నాడు.

దిగ్భ్రాంతికి గురైన గాయ‌త్రి వెంటనే చుట్టు పక్కల వారి సాయంతో విశ్వ‌నాథ్‌ను ఢిల్లీలోని స‌ఫ్దార్‌జంగ్ ఆసుప‌త్రికి తరలించింది. ఆసుప‌త్రిలో చికిత్స పొందుతూ విశ్వనాథ్‌ మరణించాడు.

దీనితో తన భర్త చావుకు కారణమైన కుమార్తె, ఆమె ప్రియుడిపై గాయత్రి స్థానిక పోలీస్‌ స్టేషన్‌లో ఫిర్యాదు చేసింది. అప్పటికే పూజ ప్రియుడు పరారయ్యాడు. పూజ‌ను పోలీసులు అరెస్ట్‌ చేశారు.

LEAVE A REPLY

Please enter your comment!
Please enter your name here