11 ఏళ్ల స్నేహితుడి చెల్లిని రేప్ చేసి..కాలువ‌లో ప‌డేశాడు!

రాయ్‌పూర్‌: జ‌మ్మూకాశ్మీర్‌లోని క‌థువాలో ఆసిఫాపై ఘోర అత్యాచారం, హ‌త్యోదంతంపై దేశం మొత్తం అట్టుడికిన‌ప్ప‌టికీ.. కిరాత‌కుల్లో మాత్రం ఏ మార్పూ రాలేద‌న‌డానికి తాజా ఉదాహ‌ర‌ణ ఇది. 11 ఏళ్ల బాలిక‌పై క్రూరంగా అత్యాచారం చేసి, హ‌త్య చేశాడో దుర్మార్గుడు. ఆమె మృత‌దేహాన్ని పంట‌కాల్వ‌లో ప‌డేసి, చేతులు దులుపుకొంటూ వెళ్లిపోయాడు.

ఛ‌త్తీస్‌గ‌ఢ్‌లోని క‌బీర్‌ధామ్ జిల్లాలో చోటు చేసుకుంది అమానుష ఘ‌ట‌న‌. జిల్లాలోని ఇటా గ్రామంలో ఓ పెళ్లి వేడుక‌లో ఈ దారుణ కృత్యం జ‌రిగింది. త‌న స్నేహితుడి పెళ్లికి వ‌చ్చిన ఉత్త‌మ్‌సాహు అనే 23 సంవ‌త్స‌రాల యువ‌కుడు ఈ దారుణానికిక పాల్ప‌డ్డాడు. పెళ్లి వేడుక‌కు హాజ‌రైన ఉత్త‌మ్‌సాహు పెళ్లి కుమారుడైన త‌న స్నేహితుడి చెల్లెలిపై క‌న్నేశాడు.

11 సంవ‌త్సరాల ఆ బాలిక‌కు కూల్‌డ్రింక్ ఆశ‌చూపి, పెళ్లి ఊరేగింపు నుంచి దూరంగా తీసుకెళ్లాడు. కూల్‌డ్రింక్‌లో మ‌త్తుమందు క‌లిపి అత్యాచారం చేశారు.

ఆ విష‌యం ఎవ‌రికీ తెలియ‌కూడ‌ద‌నే ఉద్దేశంతో బాలిక గొంతునులిమి హ‌త్య‌చేశాడు మృత‌దేహాన్ని పంట‌కాల్వ‌లో విసిరేసి, మ‌ళ్లీ పెళ్లి ఊరేగింపులో క‌లిశాడు. పెళ్లి కుమారుడి చెల్లెలు క‌నిపించ‌క‌పోవ‌డంతో ఆమె కోసం వెదికారు. చివ‌రిసారిగా ఆమె ఉత్త‌మ్‌సాహు వెంట ఉన్న‌ట్లు ప్ర‌త్య‌క్ష‌సాక్షులు తెలిపారు.

మొద‌ట అత‌ను బుకాయించిన‌ప్ప‌టికీ.. పోలీసులు రంగ ప్ర‌వేశం చేయ‌డంతో త‌న నేరాన్ని అంగీక‌రించాడు. ఇటా-రెహౌటా గ్రామాల మార్గ‌మధ్య‌లో అర్ధ‌న‌గ్నంగా పంట కాలువ‌లో ప‌డి ఉన్న మృత‌దేహాన్ని తెల్ల‌వారు జామున 3 గంట‌ల స‌మ‌యంలో పోలీసులు స్వాధీనం చేసుకున్నారు. ఉత్త‌మ్‌సాహుపై కేసు న‌మోదు చేశారు.

LEAVE A REPLY

Please enter your comment!
Please enter your name here